Apr 05 2025 | २०८१, चैत २३ गते
Apr 05 2025 | २०८१, चैत २३ गते
हुम्ला । नाँम्खा र सिमकोट गाउँपालिकाका तीसवटा आधारभुुत विद्यालयलाई फोरजी ब्रोडब्याण्ड इन्टरनेट सेवा जडान हुने भएको छ । नेपाल टेलिकमको ग्रामीण दुर सञ्चार कार्यक्रम अन्तर्गत उक्त इन्टरनेट सेवा जडानका लागि सामग्री विद्यालयलाई हस्तान्तरण गरिएका हो ।
नाँम्खा गाउँपालिकाका प्रमुख प्रशासकीय अधिकृत धर्मराज न्यौपानेका अनुसार गाउँपालिकाको १७ वटा आधारभूत विद्यालयलाई फोरजी ब्रोडब्याण्ड इन्टरनेट सेवाका लागि मेशीनहरु बितरण गरिएको छ । यसबाट ती विद्यालयमा इन्टरनेटको पहुुँच पुुग्नेजनाइएको छ।
विद्यालयमा इन्टरनेट प्रबिधिको पहुुँच बढाउन नेपाल टेलीकमले सो सामग्री उपलब्ध गराएको र गाउँपालिकाले विद्यालयलाई सामग्री हस्तान्तरण गरेको बताइएको छ । बिधुुतको ब्यवस्था भएका विद्यालयमा तत्काल र नभएका विद्यालयमा गाउँपालिकाले सोलारको ब्यवस्था गरेर सो सेवा जडान गर्ने बताइएको छ ।
त्यसैगरी टेलिकमको सोही कार्यक्रम अन्तर्गत सिमकोट गाउँपालिकाका १३ वटा विद्यालयलाई पनि मेशिनसहित सामग्री बितरण गरिएको छ । गाउँपालिकाले एक–दुुई दिनमा प्राबिधिक खटाएर इन्टरनेट सेवा जडान गर्ने जनाइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
