Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । नेपाली सेनाले सगरमाथा लगायत ४ वटा हिमालबाट १७ टन फोहोर संकलन गरेको छ ।
सफा हिमाल अभियानअन्तर्गत सगरमाथा, ल्होत्से, कञ्चनजंघा र मनास्लु गरी ४ वटा हिमालबाट १७ हजार किलो फोहोर संकलन गरेको सेनाले जनाएको हो ।
सेनाका अनुसार सगरमाथा र ल्होत्सेबाट कुहिने ८९६ र नकुहिने ५ हजार ४६९ किलो गरी ६ हजार ३६५ किलो, कञ्चनजंघाबाट ६०९ कुहिने र ६ हजार ३ नकुहिने गरी ६ हजार ६१२ किलो र मनास्लुबाट ५५५ कुहिने र ३ हजार ४६८ किलो नकुहिने गरी ४ हजार २३ किलो फोहोर संकलन गरेको हो ।
प्रधानसेनापति प्रभुराम शर्माले भिडियो टेलिकम्युनिकेशनमार्फत सफाइ अभियानको प्रगति विवरणबारे जानकारी लिएका छन् । उनले भौगोलिक विकटता र प्रतिकूल मौसमको समेत प्रवाह नगरी सेनाका सकल दर्जाले गरिरहेको कार्यहरूको मूल्यांकन गर्दै जिम्मेवारी कुशलतापूर्वक समयमै सम्पन्न गर्न निर्देशन दिएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
