Apr 09 2025 | २०८१, चैत २७ गते
Apr 09 2025 | २०८१, चैत २७ गते
काठमाडौँ । नेकपा एमालेका अध्यक्ष केपी शर्मा ओलीले एमाले फुटेको भनिए पनि जस्ताको तस्तै रहेको बताउँदै कार्यकर्ताहरूलाई नआत्तिन आग्रह गरेका छन् ।
नेकपा एमाले खोटाङले शनिबार आयोजना गरेको जनसभालाई सम्बोधन गर्दै ओलीले भने, ‘पहिले पनि एमाले फुट्यो तर जस्ताको तस्तै, अहिले पनि फुट्यो भनियो तर जस्ताको तस्तै’ ओलीले भने ‘बरु झन् ठूलो भएको छ, त्यसैले आत्तिनु पर्दैन ।’ आगामी स्थानीय निर्वाचनमा पनि एमालेकै जित हुने उनले दाबी समेत गरेका छन् ।
यस्तै, एमाले समृद्धिको पक्षमा उभिएकाले त्यसबाट आत्तिएर षड्यन्त्र गरेर परमादेशबाट हराइएको उनको जिकिर थियो ।‘एमाले जहिल्यै समृद्धिको पक्षमा उभिन्छ, मुलुक र जनताको पक्षमा उभिन्छ । त्यसैदेखि आत्तिएर जनादेशबाट बनेको सरकारलाई परमादेशले हरायो’ उनले भने ।
खोटाङको कार्यक्रममा ओलीपत्नी राधिका शाक्य, नेता रामबहादुर थापा, एमालेका प्रमुख सचेतक विशाल भट्टराई लगायत नेता थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
