Apr 06 2025 | २०८१, चैत २४ गते
Apr 06 2025 | २०८१, चैत २४ गते
सिन्धुपाल्चोक । थाङ्पाल गाउँपालिकामै निःशुल्क खाना, खाजाको सुविधासहित सेवा लिन पाउँदा स्थानीयवासी खुसी भएका छन् । बागमती प्रदेश सामाजिक विकास मन्त्रालयको सहयोगमा पालिकामै पाँचपोखरी प्राथमिक अस्पतालको सेवा पाउन थालेपछि स्थानीयवासी कल्पना पण्डितले खुसी व्यक्त गरिन् ।
सीमित स्रोतसाधन र जनशक्तिबाट अहिले पनि कोभिडसँगै अन्य सेवा प्रदान गरिरहेको अस्पतालका प्रमुख डा. सोनाली खतिवडाले जानकारी दिए । १२ स्थानीय तहमध्ये सो गाउँपालिकाले प्रदान गरेको स्वास्थ्य सेवाबाट स्थानीयवासी खुसी छन् ।
पाँचपाखोरीका आठवटै वडामा सुविधासम्पन्न सुरक्षित सुत्केरी केन्द्र (बर्थिङ सेन्टर)को व्यवस्था छ ।
निःशुल्क एम्बुलेन्स सेवा प्रदान गर्दै आएको पालिकाले स्वास्थ्य क्षेत्रमा धेरै काम गरेको अध्यक्ष टासी लामाले दाबी गरे । ‘स्वास्थ्यलाई मुख्य प्राथमिकता दिएर निःशुल्क उपचार सेवा प्रदान गरिरहेका छौं,’ उनले भने । गाउँपालिका–६ का बलबहादुर आचार्य लामो समयदेखि दमको समस्याले पीडित थिए । अहिले त्यो समस्याबाट मुक्त भए भन्दै खुसी व्यक्त गरिन उनले स्थानीय तहले राम्रो काम गर्दै गएको समेत बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
