Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । भारतीय नम्बर प्लेटको एम्बुलेन्समा लोड गरेर भारततर्फ लैजाँदै गरेको गाँजा प्रहरीले सुनसरीबाट बरामद गरेको छ ।
मंगलबार बराहक्षेत्र नगरपालिका वडा नम्बर–२ स्थित पुल्ठेगौंडाबाट १४८ केजी गाँजा बरामद गरिएको सुनसरीका एसपी केशव थेबेले रातोपाटीलाई बताए ।
इलाका प्रहरी कार्यालय चतराबाट खटिएको प्रहरीले बिआर–०७–पिसी–४७६५ नम्बरको एम्बुलेन्समा सवार दुई जनालाई पक्राउ गरेको छ ।
गाँजा ओसारपसार गर्दै गरेको अवस्थामा पक्राउ पर्नेमा एम्बुलेन्स चालक बिहार घर भएका १८ वर्षीय धमेन्द्र कुमार यादव र एम्बुलेन्समा सवार २१ वर्षीय मोहम्मद सदाम छन् ।
उनीहरूमाथि इलाका प्रहरी कार्यालय महेन्द्रनगरले अनुसन्धान गरिरहेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
