Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । नेपाली कांग्रेसका नेता पूर्णबहादुर खड्काले संसदीय दलको नेता चयन भएका भीष्मराज आङ्देम्बेले संसद्मा महत्त्वपूर्ण भूमिका निर्वाह गर्ने विश्वास व्यक्त गरेका छन् ।
दलको नेता चयन भएपछि आङ्देम्बे नेता खड्कालाई भेट्न पुगेका थिए ।
भेटको फोटो सार्वजनिक गर्दै खड्काले भनेका छन्, मेरा मित्र-प्रिय भाइ मा.भीष्मराज आङ्देम्बे नेपाली कांग्रेस पार्टीको संसदीय दलको नेता सर्वसम्मत रूपमा निर्वाचित हुनुभएकोमा हृदयदेखि नै हार्दिक बधाईसहित कार्यकालको पूर्ण सफलताको शुभकामना व्यक्त गर्दछु।
उनले आङ्देम्बेले संवैधानिक परिषद्को सदस्यको रूपमा थप प्रभावकारी र महत्त्वपूर्ण भूमिका खेल्ने बताएका छन् ।
उनले थपेका छन्, ‘यस पटकको संसद्को संरचनामा नेपाली कांग्रेस दोस्रो ठूलो राजनीतिक दलको रूपमा उपस्थित भयकोले संसद्को समग्र प्रक्रियामा उहाँको भूमिका प्रमुख प्रतिपक्ष दल नेताको हैसियतमा ऐतिहासिक र महत्त्वपूर्ण रहनेछ ।’
आङ्देम्बे पूर्व सहमहामन्त्री समेत हुन् । १४ औँ महाधिवेशनमा पूर्वसभापति शेरबहादुर देउवा प्यानलबाट निर्वाचित भएपनि अहिले विशेष महाधिवेशनबाट आएका सभापति गगन थापाको पक्षमा उभिएपछि संसदीय दलको नेताको जिम्मेवारी पाएका थिए ।
आङ्देम्बेले आजै पार्टीका अर्का नेता शेखर कोइरालासँग पनि भेट गरेका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
