Jun 05 2026 | २०८३, जेठ २२ गते
Jun 05 2026 | २०८३, जेठ २२ गते
काठमाडौं । नेपाली कांग्रेसका महामन्त्री गुरुराज घिमिरेले पार्टीको १५ औँ महाधिवेशनमा जुट्न पार्टीपंक्तिलाई आह्वान गरेका छन् । सभापति गगन थापाले राजीनामा दिएपछि आज बस्न लागेको केन्द्रीय समिति बैठकअघि महामन्त्री घिमिरेले यस्तो आह्वान गरेका हुन् ।
उनले भनेका छन्- ‘नेपाली कांग्रेससँग दिग्विजयी सिद्धान्त, गौरवपूर्ण इतिहास, अतुलनीय व्यक्तित्व भएका संस्थापक नेताहरू, सर्वाधिक त्याग र बलिदानको अटुट श्रृङखला, राष्ट्र निर्माणको सुस्पष्ट मार्गचित्र तथा सुनौलो भविष्य छ। त्यसका लागि अहोरात्र काम गर्न सक्ने आशालाग्दो नेतृत्व छ ।’
विगतका तीता प्रसङ्गहरूलाई विस्मृतिमा राखेर, पार्टीको आन्तरिक एकतालाई प्रवर्द्धन गर्दै अघि बढ्नु आजको ऐतिहासिक र राष्ट्रिय आवश्यकता भएको उनले बताए ।
उनले थपे, ‘अब हामी निरर्थक एवं अनुत्पादक बहस छाडेर एकताबद्ध भई हाम्रो साझा दायित्वमा केन्द्रित बनौँ। त्यसैले, पार्टीका सबै साथीहरूलाई विनम्र आग्रह छ, आजकै मितिबाट सम्पूर्ण एकताका साथ पार्टीको १५औँ महाधिवेशनको तयारीमा जुटौँ ।’
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
