रेनु दाहालले सार्वजनिक गरिन् चुनाव खर्च, सोविताको भन्दा ५ लाख बढी

काठमाडौं । चितवन ३ बाट पराजित नेपाली कम्युनिष्ट पार्टी (नेकपा)का उम्मेदवार रेनु दाहालले आफ्नो चुनाव खर्चको विवरण सार्वजनिक गरेकी छन् ।

विवरण अनुसार उनले चुनावमा १४ लाख ६६ हजार ७ सय रुपैयाँ खर्च गरेकी थिइन् ।

भरतपुर महानगरको मेयरबाट राजीनामा दिएर दाहाल प्रतिनिधिसभा चुनावमा सहभागी भएकी हुन् । उनी रास्वपाकी उम्मेदवार सोविता गौतमसँग भारी मतले पराजित भइन्।

सोविताले ५९ हजार २ सय ७७ मत ल्याएर चुनाव जित्दा रेनु ३८ हजार ६ सय ६२ मतका साथ दोस्रो भइन् ।

चुनाव खर्चमा भने रेनुले सोवितालाई उछिनेकी छन् । सोविताले ९ लाख ९३ हजार ४५ रुपैयाँ खर्च गरेको विवरण सार्वजनिक गरेकी थिइन् । रेनुले त्योभन्दा करिब ५ लाख रुपेयाँ बढी खर्च गरेको देखाएकी छन् ।

रेनुको सबैभन्दा बढी सवारी साधानमा खर्च भएको छ । उनले १५ दिनसम्म दुई वटा सवारी साधन प्रयोग गर्दा ३ लाख रुपैयाँ खर्च गरिन् ।

वडागत प्रचार प्रसारमा २ लाख ८० हजार, झण्डा, ब्यानर पम्प्लेट आदिमा १ लाख ४१ हजार, नमूना मतपत्र, घोषणापत्र आदि छपाइमा १ लाख ४१ हजार खर्च भएको छ ।

यस्तै, प्रचार प्रसार सामग्रीमा १ लाख १३ हजार ५ सय, मतदान प्रतिनिधि अनुशिषणमा १ लाख ३० हजार खर्च भएको विवरणमा उल्लेख छ । खाना र पानीमा ५३ हजार २०० मात्रै खर्च भएको देखाइएको छ ।

रेनु दाहालले सार्वजनिक गरिन् चुनाव खर्च, सोविताको भन्दा ५ लाख बढी

रेनु दाहालले सार्वजनिक गरिन् चुनाव खर्च, सोविताको भन्दा ५ लाख बढी

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय