राप्रपाको नाम र चुनाव चिन्ह फेर्ने महामन्त्री पाठकको प्रस्ताव

काठमाडौं । राष्ट्रिय प्रजातन्त्र पार्टी (राप्रपा) का महामन्त्री शरदराज पाठकले पार्टीको नाम र चुनावचिन्ह परिवर्तनको प्रस्ताव गरेका छन् । चुनावमा भोगेको लज्जास्पद पराजयलाई लिएर उनले यस्तो प्रस्ताव अघि सारेका हुन् ।

फेसबुकमा स्टाटस लेख्दै पाठकले पार्टी नेतृत्वको पुनरावलोकन र परिवर्तन अत्यावश्यक रहेको समेत बताएका छन् ।

उनले लेखेका छन्, ‘राष्ट्रिय प्रजातन्त्र पार्टीलाई अब धरमर-धरमर भएर टुपुक्क राष्ट्रिय पार्टीमात्र बन्ने अवस्थाबाट माथि उठाएर राष्ट्रिय राजनीतिको एउटा विश्वासिलो र सशक्त हस्तक्षेपकारी/रूपान्तरणकारी पार्टी बनाउने हो भने यसको तत्काल व्यापक पुनर्संरचना अत्यन्त जरूरी छ ।’

त्यसका लागि पार्टीको नाम, चुनाव चिह्न, केन्द्रदेखि तल्लो एकाइसम्मका नेतृत्वको पुनरावलोकन र आवश्यक परिवर्तन अत्यावश्यक रहेको उनको तर्क छ । राप्रपाको एजेन्डामा भने ठूलो समस्या नरहेको पाठकले बताएका छन् ।

‘मेरो आग्रह-रहित मिहिन मूल्याङ्कनमा राप्रपाको एजेण्डामा खास ठूलो समस्या छैन । समस्या हामीहरूको चिन्तन र कार्यशैलीमा छ । समस्या पार्टीभित्रका बलशाली प्रवृतिहरूमा छ । समस्या समयको प्रवाह र आवश्यकतालाई नचिन्नु/नबुझ्नुमा छ । समस्या आधुनिक युगको राजनीतिक आयामहरूलाई अधिकांशरूपमा बेवास्ता गरेर उल्टै हियाउनुमा छ’, उनले भनेका छन् ।

यही शैली र सोचबाट अघि बढ्ने हो भने पार्टीले आउने स्थानीय तह र प्रदेश तहको निर्वाचनमा अपवाद छोडेर सुयोग्य र आम मतदातामा प्रभाव पार्न सक्ने उम्मेदवार भेट्न पनि मुस्किल हुने पाठकको चिन्ता छ ।

उपरोक्त विषयमा पार्टीमा तल्लो स्तरसम्म घनिभूत बहस आरम्भ होस् भन्ने ध्येयले मैले यो टिप्पणी लेखेको छु । पार्टीका साथीहरू, सुभेच्छुकहरू र आलोचकहरूबाट प्रतिकृया अपेक्षा गर्छु ।

राप्रपाको नाम र चुनाव चिन्ह फेर्ने महामन्त्री पाठकको प्रस्ताव

राप्रपाको नाम र चुनाव चिन्ह फेर्ने महामन्त्री पाठकको प्रस्ताव

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय