Jun 06 2026 | २०८३, जेठ २३ गते
Jun 06 2026 | २०८३, जेठ २३ गते
सुर्खेत । प्रतिनिधिसभा निर्वाचनमा कर्णाली प्रदेशमा ९० जना उम्मेदवारको जमानत जफत भएको छ । निर्वाचन आयोग कर्णाली प्रदेशका अनुसार उम्मेदवारले आवश्यक मत नपुग्दा जमानत गुमाएका हुन् ।
नेपालको निर्वाचन कानुन अनुसार कुल सदर मतको कम्तीमा १० प्रतिशत मत प्राप्त गर्न नसक्ने उम्मेदवारको जमानत जफत हुने व्यवस्था रहेको छ ।
निर्वाचन आयोगका अनुसार सुर्खेतमा सबैभन्दा धेरै २४ जना उम्मेदवारको जमानत जफत भएको देखिएको छ । सुर्खेत क्षेत्र नम्बर १ मा १० जना र क्षेत्र नम्बर २ मा १४ जना उम्मेदवारले आवश्यक मत ल्याउन नसक्दा जमानत जफत भएको हो ।
त्यसैगरी दैलेख क्षेत्र नम्बर १ मा ६ जना र क्षेत्र नम्बर २ मा ७ जना उम्मेदवारको जमानत जफत भएको छ । जाजरकोटमा ८, सल्यानमा १०, रुकुम पश्चिममा ९, कालिकोटमा ६, जुम्लामा ६, मुगुमा ४, डोल्पामा ६ र हुम्लामा ४ जना उम्मेदवारको जमानत जफत भएको विवरणमा उल्लेख गरिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
