Jun 06 2026 | २०८३, जेठ २३ गते
Jun 06 2026 | २०८३, जेठ २३ गते
काठमाडौँ । जारी जय ट्रफी अन्तर्गत नेपाल पुलिस क्लबले एपीएफ क्लबलाई पराजित गरेको छ । मंगलबार टियु क्रिकेट मैदानमा सम्पन्न खेलमा पुलिस क्लबले एपीएफ क्लबलाई ९ विकेटले पराजित गरेको हो ।
एपीएफले दिएको ११३ रनको लक्ष्य पछाएको पुलिस क्लबले एक विकेट गुमाएर लक्ष्य पुरा गरेको थियो । पुलिसको जितमा कुशल भुर्तेलले अविजित ७१ रन बनाएका थिए ।
यसअघि एपीएफले पहिलो इनिंगमा १८५ रन बनाएको थियो भने पुलिस क्लबले ७ विकेट गुमाएर २७७ रन बनाएर इनिंग घोषणा गरेको थियो । त्यसपछि एपीएफले दोस्रो इनिंगमा २०४ रन बनाएर अल आउट भएको थियो ।
२–२ खेलपछि एपीएफ ३८ अंकसहित शिर्ष स्थानमा छ भने पुलिस क्लब ३७.५ अंकसहित दोस्रो स्थानमा रहेको छ ।
अब नेपाल पुलिस क्लबले अर्को खेल विहिबारदेखि बागमती प्रदेश विरुद्ध खेल्ने छ भने एपीएफले त्रिभुवन आर्मी क्लबसँग खेल्ने छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
