Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । सुदूरपश्चिम प्रदेशस्तरीय सुरक्षा गोष्ठीमा भाग लिन गृहमन्त्री ओमप्रकाश अर्याल कैलाली पुगेका छन् ।
आगामी २१ फागुनका लागि तोकिएको प्रतिनिधिसभा निर्वाचनको विषयमा भोलि छलफल हुनेछ । त्यसका साथै अलवा प्रदेशको सुरक्षा अवस्था, अपराध नियन्त्रण, सीमा सुरक्षाको विषयमा पनि प्रदेशको सुरक्षा निकायसँग गृहमन्त्रीले छलफल गर्न लागेका हुन् ।
सुरक्षा गोष्ठीको लागी सशस्त्र प्रहरी महानिरीक्षक राजु अर्याल तथा मन्त्रालयका सहसचिव र उपसचिवसँगै मन्त्री अर्याल धनगढी पुगेका हुन् ।
आज दिउँसो गृहसचिव रामेश्वर दंगाल, प्रहरी महानिरीक्षक दानबहादुर कार्की, नेपाली सेनाका बलाधिकृत रथी प्रदीपजंग केसी र राष्ट्रिय अनुसन्धान विभागका मुख्य अनुसन्धान निर्देशक टेकेन्द्र कार्की पनि धनगढी पुग्ने कार्यक्रम रहेको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए ।
आज सीमा नाकाको अनुगमन गर्न कार्यक्रम रहेको उनले बताए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
