Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । जेन–जी आन्दोलनका क्रममा सिंहदरबारबाट लुटिएको सामग्री बागबजारस्थित कन्सल्टेन्सीबाट बरामद भएको छ । लुटिएको सामग्री बरामद भएको कन्सल्टेन्सी सरल शिक्षा एकेडेमी हो ।
एकेडेमीमा प्रहरीले केही घण्टाअघि मात्रै छापा मारेको हो । प्रहरीका अनुसार एकेडेमीबाट एउटा प्रिन्टर भेटिएको छ । प्रहरीले प्रिन्टरको मुचुल्का उठाई बरामद गरेको छ ।
प्रहरी वृत सिंहदरबारबाट खटिएको प्रहरी टोलीले एकेडेमीमा छापा मारेको हो । एकेडेमीकी सञ्चालक उषा भट्ट हुन् । तर, प्रहरीले उनलाई पक्राउ गरेको छैन ।
प्रहरीका अनुसार एकेडेमीका कर्मचारीले त्यसबाहेकका सामग्री पनि सिंहदरबारबाट चोरी गरी ल्याएका थिए । प्रहरीको उर्दीपछि उक्त सामग्री भने एकेडेमीले यसअघि नै प्रहरी कार्यलयमा बुझाएको थियो ।
वृत्त प्रमुख डिएसपी जनार्दन घिमिरेले यसअघि एकेडेमीले एउटा प्रिन्टर फिर्ता गरेको र अहिले पनि त्यस्तै सूचना आएकाले बुझ्ने काम भइरहेको बताए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
