Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । हुम्लाबाट सुर्खेत जाँदै गरेको बस बाजुराको बेर्मा बजार नजिकैको भलिया बगरमा दुर्घटना भएको छ ।
हुम्लाबाट सुर्खेततर्फ जाँदै गरेको कर्णाली प्रदेश ०२००१ ख ०८९० नम्बरको बस अनियन्त्रित भई दुर्घटनामा परेको भएको हो ।
दुर्घटनामा तीन जना यात्रु घाइते भएका छन् । घाइतेहरूमा मुगुका १८ वर्षीय विशाल बिक, दैलेखकी दिपा सोनाम, र बाजुराकी ४५ वर्षीया प्रेमकला दमाई रहेका छन् । घाइतेहरूको अवस्था सामान्य रहेको र उनीहरूको उपचार बेर्मा बजारस्थित गोपाल मेडिकलमा भइरहेको प्रहरीले जनाएको छ ।
बसका चालक सुर्खेत जिल्ला भेरीगंगा नगरपालिका–११ का दिपक बिक रहेका छन् । बसमा २३ जना यात्रु सवार रहेको बताइएको छ । दुर्घटनाको विस्तृत विवरण र कारणबारे थप अनुसन्धान भइरहेको प्रहरीले जनाएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
