Jun 17 2026 | २०८३, असार ३ गते
Jun 17 2026 | २०८३, असार ३ गते
काठमाडौँ । शिक्षामन्त्री महाविर पुनले सिटिभिटीइको २०६९ देखि सम्बन्धनका निवेदन दिएर पनि अहिलेसम्म सम्बन्धन नपाएका आवेदनहरुको छानविन गर्न कार्यदल गठन गरेका छन् ।
मन्त्री पुनले यो कार्यदलले निवेदनहरुको छानबिन गरेर मङ्सिर महिनाभित्र नतिजा निकाल्ने बताएका छन् ।
त्यस्तै मन्त्री पुनले नेपाल खुला विश्वविद्यालयको रिक्त रहेको १० जना र शहिद दशरथ चन्द स्वास्थ्य विज्ञान विश्वविद्यालयको ७ जना सिनेटरहरुको रिक्त रहेको पदमा बिना कुनै राजनैतिक दवाव नियुक्त गरेको र सिनेटरहरु नभएर रोकिएका कामहरु अगाडी बढाएको जानकारी दिएका छन् ।
त्यसैगरी उनले विज्ञान तथा प्रविधि मन्त्रालयलाई शिक्षा मन्त्रालय बाट हटाएर छुट्टै मन्त्रालय बनाउने र बिज्ञान प्रबिधि, नवप्रर्वतन, सूचना प्रविधी, जल तथा मौसम विज्ञान तथा बिज्ञान प्रविधि सम्बन्धि सबै कामहरु सोहि मन्त्रालय मार्फत गर्न गराउने विषयमा छलफल शुरु गरेका छन् ।
त्यस्तै विश्वविद्यालयहरुमा पहिलेका सरकारको पालामा राजनैतिक भागबन्डा नमिलेर रिक्त रहन गएका निकै धेरै पदहरुमा निष्पक्ष तरिकाले योग्य पदाधिकारीहरु छान्ने काम अगाडी बढाएको जानकारी दिदै मन्त्री पुनले यसमा कुनै भनसुन नलाग्ने स्पष्ट गरेका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
