Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । मधेश सरकारको नयाँ नेतृत्वको लागि जितेन्द्र प्रसाद सोनार (सोनल) को नेतृत्वमा सरकार गठनको दाबी पेश भएको छ । मधेश प्रदेश प्रमुख सुमित्रा देवी भण्डारीसमक्ष लोसपाका जितेन्द्र सोनलको नेतृत्वमा सरकारको दाबी पेश भएको हो ।
लोसपा नेतृत्वको सरकारमा जनता समाजवादी पार्टी, जनमत पार्टी, नेकपा माओवादी केन्द्र र एकीकृत समाजवादी पार्टीको सम्मिलित सरकार बन्ने भएको हो ।
१०७ सदस्यीय प्रदेश सभामा बहुमतका लागि ५४ सदस्य आवश्यक पर्नेमा यो गठबन्धनसँग ५६ सदस्य पुगेको छ । जसमा जसपा नेपालका १९ जना, जनमतका १३ जना, माओवादी केन्द्रका ९ जना, लोसपाका ८ जना र एकीकृत समाजवादीका ७ जना रहेका छन् ।
यस अघि कांग्रेसका कृष्ण यादवलाई मुख्यमन्त्री बनाउने सहमति भएपनि त्यो सहमति तोडेर नयाँ गठबन्धन बनाइएको छ । यसअघि मंगलबार मुख्यमन्त्री सतिश कुमार सिंहले राजीनामा दिएपछि प्रदेश प्रमुख सुमित्रा सुवेदी भण्डारीले आज ४ बजेसम्मको समय दिएर सरकार गठनका लागि आव्हान गरेकी छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
