काठमाडौं । २३ दिनदेखि आन्दोलनरत शिक्षक/कर्मचारीहरूले सडकमै रगत दिन थालेका छन् । नेपाल शिक्षक महासंघको आयोजनामा आज(बिहिबार) बरबरमहलमा रक्तदान गर्न थालेका हुन् । नेपाल रेडक्रस सोसाइटीको समन्वयमा रक्तादान भइरहेको महासंघका अध्यक्ष लक्ष्मीकिशोर सुवेदीले जानकारी दिए ।
दिउँसो २ बजेपछि रक्तदान गर्ने भनिए पनि आन्दोलनमा शिक्षकहरु थाक्ने हुनाले पहिले रक्तदान गरेर आन्दोलनमा सहभागी हुन महासंघले शिक्षकहरुलाई आग्रह गरेकाे छ । उनीहरु माइतीघरमा आन्दोलन जारी छ भन्ने नारा नलाइरहेका छन् ।
उनिहरुले सरकारलाई पसिनामात्रै नभएर रगत पनि दिन लागेको बताएका छन् । रक्तदान गरेपछि आन्दोलन अगाडि बढाउने उनीहरूको भनाइ छ ।
तत्काल शिक्षा ऐन जारी गर्नुपर्ने माग गर्दै देशभरका शिक्षकहरूले चैत २० गतेदेखि काठमाडौं केन्द्रित आन्दोलन गरिरहेका छन् ।
