Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । नेपालको दलित समुदायबाट प्रथम पटक संस्कृत साहित्यमा आचार्य उपाधि हासिल गरेका कृष्ण दमाईलाई पशुपतिनाथ मन्दिरमा भव्य स्वागत तथा अभिनन्दन गरिएको छ ।
परम्परागत रूपमा दलितहरूलाई वेद पुराण अध्ययन गर्न निषेध गरिएको सामाजिक बन्देजलाई चुनौती दिँदै, कृष्ण दमाईले नेपाल संस्कृत विश्वविद्यालय विद्यापीठ लालझुन्डी, दाङबाट संस्कृत साहित्यमा आचार्य उपाधि प्राप्त गरेका छन् ।
उनको यो उपलब्धिलाई सम्मान गर्दै, पशुपतिनाथस्थित वनकालीमा सञ्चालित ऐतिहासिक विशाल कोटी होम यज्ञमा उनलाई विशेष रूपमा सम्मानित गरिएको छ ।
पशुपति कोटिहोम तथा नेपाल माहात्म्य परिवारले कृष्णको उज्ज्वल भविष्यको कामना गर्दै यज्ञमा विशेष सम्मान प्रदान गरेको छ । यो महायज्ञ साउन महिना भरि चल्ने छ, जसले कृष्णको उपलब्धिलाई थप उजागर गर्ने अपेक्षा गरिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
