काठमाडौं । नवलपुरको कावासोती- ४ हसौरास्थित खोला किनारमा एक बालक मृत अवस्थामा फेला परेका छन् । ३० महिने सुवास ढुंगाना बुधबार बिहान हसौरास्थित चिलाहाको हसौरा खोला किनारमा मृत भेटिएका हुन् ।
उनी पूर्व वडाध्यक्ष रामजी ढुंगानाका नाति हुन् ।
जिल्ला प्रहरी कार्यालय नवलपुरका प्रहरी नायब उपरीक्षक वेदबहादुर पौडेलका अनुसार बालक मंगलबार बिहान हसौरा नजिकै खेलिरहेको अवस्थामा बेपत्ता भएका थिए ।
उनलाई खोलाले बगाएको आशंकामा प्रहरी र स्थानीयले खोजी गरेका थिए । घटनाका बारेमा प्रहरीले अनुसन्धान भइरहेको जनाएको छ ।
