Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । काठमाडौं महानगरपालिका प्रहरी प्रमुख राजुनाथ पाण्डे नेतृत्वको टोलीले गत बिहीबार बानेश्वरबाट नियन्त्रणमा लिएको गाडी कामपा प्रमुख प्रशासकीय अधिकृत प्रदीप परिवारले फिर्ता गरेका छन् ।
नगर प्रहरीबाट गल्ती भएको भन्दै प्रमुख प्रशासकीय अधिकृत परिवारले कामपा वातावरण विभाग प्रमुख रविनमान श्रेष्ठलाई फिर्ता गरेका हुन् ।
परिवारले नगर प्रहरीले रिसिवीका आधारमा गाडी जफत गरेको भन्दै मंगलबार सो गाडीको चाबी वातावरण विभाग प्रमुख श्रेष्ठलाई फिर्ता गरेका हुन् । गत बिहीबार महानगर प्रहरी प्रमुख राजुनाथ पाण्डेको नेतृत्वको टोलीले श्रेष्ठको निवासबाट सो गाडी जफत गरेको थियो ।
महानरपालिकालाई ईयूले अनुदानमा दिएको बि एए ४८२० नम्बरको मारुती सुजुकी कार श्रेष्ठको निवासबाट जफत गरेको थियो । तर मंगलबार प्रमुख प्रशासकीय अधिकृत परिवारले श्रेष्ठलाई कार्यकक्षमा बोलाएर गाडीको चाबी दिएका हुन् ।
वातावरण व्यवस्थापन विभाग प्रमुख रविनमान श्रेष्ठले आफूले चाबी बुझेको स्वीकार गरे । प्रमुख प्रशासकीय अधिकृत परिवारले श्रेष्ठलाई ‘तपाईंले चढ्ने गाडी हो, नगर प्रहरीले जफत गरेछ, गल्ती भयो, अब तपाईंले चढ्ने हो’ भन्दै चाबी फिर्ता गरेको महानर स्रोतले जनायो।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
