May 22 2025 | २०८२, जेठ ८ गते
May 22 2025 | २०८२, जेठ ८ गते
काठमाडौं । चितवनको भरतपुर महानगरपालिका-२७ मेघौलीका विपन्न परिवारको स्वास्थ्य बीमा गरिदिएको छ। क्लिनिक नेपालले एक सय विपन्न परिवारको स्वास्थ्य बीमा गरिदिएको हो ।
क्लिनिक नेपालका म्यानेजर सुमन पौडेलका अनुसार भरतपुर वडा नम्बर २७ सँग समन्वय गरेर विपन्न परिवार पहिचान गरि बीमा गरिएको छ।
सुकुम्बासी समुदायको बसोबास रहेको सिसौघारी टोल सुधार समितिका ७८ परिवार र क्लिनिक नेपालले छात्रवृत्ति प्रदान गरि पढाइरहेका २५ विद्यार्थीका परिवारको बीमा गरिएको हो। प्रति परिवारको ३५ सयदेखि ५६ सय रुपैयाँ शुल्क तिरेर बीमा गरिएको पौडेलले बताए।
 (1).gif)
भरतपुर-२७ का वडाध्यक्ष रामबहादुर भण्डारीले कमजोर आर्थिक अवस्थाका कारण उपचारबाट बञ्चित परिवारलाई वडा कार्यालयको समन्वयमा स्वास्थ्य बीमा गरिएको बताए। आगामी वर्ष अन्य टोलका विपन्न परिवारको बीमा गराउने उनले बताए।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
