Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं : प्रधानमन्त्री पुष्पकमल दाहालले गणतन्त्र दिवस मौलिक र रचनात्मक तरिकाले मनाउने तयारी गर्न निर्देशन दिएका छन् । मञ्च सजावट तथा व्यवस्थापनको जिम्मा काठमाडौं महानगरलाई दिएको छ ।
यस वर्षको जेठ १४, १५ र १६ गते तीन दिनसम्म मौलिक एवं रचनात्मक कार्यक्रम गरी गणन्त्र दिवस मनाउने तयारी सरकारको छ। मंगलबार प्रधानमन्त्रीको अध्यक्षतामा सिंहदरबारमा बसेको बैठकले ‘गणतन्त्र दिवस मूल समारोह समिति, २०८१’ समेत गठन गरेको छ ।
सरकारले वि.सं. २०६५ जेठ १५ मा देशमा गणतन्त्र स्थापना भएको ऐतिहासिक दिनलाई प्रत्येक वर्ष गणतन्त्र दिवसका रूपमा मनाउँदै आएको छ।नेपालभित्र र विदेशस्थित नेपाली राजदूतावास नियोगहरूमा समेत दिपावलीलगायतका मौलिक कार्यक्रमहरू गर्ने निर्णय भएको प्रधानमन्त्रीको सचिवालयले जनाएको छ।
प्रधानमन्त्रीको अध्यक्षतामा रहेको मूल समारोह समितिको सदस्यमा उप-प्रधानमन्त्रीहरू, मन्त्रीहरू, काठमाडौं महानगरपालिकाका उप-प्रमुख, नेपाल सरकारका मुख्य सचिव, प्रधान सेनापति, ललितपुर महानगरका प्रमुख, नेपाल सरकारका सचिव तथा विशिष्ट श्रेणीका राजपत्राङ्कित अधिकृतहरू, नेपाल प्रहरीका महानिरीक्षक, सशस्त्र प्रहरी बलका महानिरीक्षक, राष्ट्रिय अनुसन्धान विभागका निर्देशकलगायत सहभागी थिए।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
