'पैसा फिर्ता गर्नुस्, शान्ति सुरक्षा किन चाहियो ?'

ललितपुर ।

'नमस्ते सर, यो पत्रमा हजुरको तोक चाहियो ।'

'कुन पत्रमा तोक ? खोई हेरौं त । यो त शान्ति सुरक्षाको लागि रहेछ ।'

'हो सर, हामीलाई सदस्यहरुले मार्छु, पिट्छु र तलाईँ छोड्दिन भनेर धम्की दियो हजुर ।'

'एँ, त्यसो पो । अनि पैसा फिर्ता दिनुस् त सदस्यहरुको ।'

'बिस्तारै दिई रहेका छौं सर, अहिले त निक्षेपकर्ता आक्रोशित छन् ।'

'पैसा लिएर पछि दिनुपर्देन् त, सबै फिर्ता गर्न वातावरण बनाउनुस्, अनि शान्ति सुरक्षा नै चाहिन्न नी !'

यो माथिको सम्वाद ललितपुर जिल्ला प्रशासन कार्यालयभित्रको हो । यो सम्वाद ललितपुरको मानभवनमा संचालित एक सहकारी संचालक र ललितपुरका सहायक प्रमुख जिल्ला अधिकारी अमरदीप सुनुवारबीचको हो ।

सहकारी संचालकले सदस्यहरुले हातपात गरेको भन्दै शान्ति सुरक्षाको माग गर्दै जिल्ला प्रशासन कार्यालय आइपुगेका हुन् । सहायक सीडीओ सुनुवारले सहकारी संचालकलाई सदस्यहरुको पैसामा मोज गर्न, जथाभावी लगानी गर्ने र अहिले फिर्ता माग्दा उल्दै शान्ति सुरक्षा माग गर्न आउने भनेर जवाफ फर्काएका थिए ।

ती सहकारी संचालक केही नबोली शान्ति सुरक्षा मागको पत्र फिर्ता लिएर प्रशासनबाट फर्किए । स्रोतका अनुसार उक्त सहकारीका संचालकले कर्मचारीलाई सिंगो सहकारी नै जिम्मामा छोडेर भूमिगत भएका छन् ।

'पैसा फिर्ता गर्नुस्, शान्ति सुरक्षा किन चाहियो ?'

'पैसा फिर्ता गर्नुस्, शान्ति सुरक्षा किन चाहियो ?'

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय