Jun 19 2025 | २०८२, असार ५ गते
Jun 19 2025 | २०८२, असार ५ गते
काठमाडौँ । सिराहाको लहानमा गोली चल्दा एक जना गम्भीर घाइते भएका छन्।
जिल्ला प्रहरी कार्यालयका प्रहरी निरीक्षक रामचन्द्र शाहका अनुसार आइतबार बिहान लहान नगरपालिका-२२ बेलहिजातियाहीस्थित रविन चौधरीको घरमा गोली चल्दा १८ वर्षीय दिलिप मुखिया घाइते भएका हुन् ।
 (1).gif)
पेटमा गोली लागेका घाइते दिलिपको उपचारको लागि धरान पठाएको र उनको अवस्था गम्भीर रहेका प्रहरीले जनाएको छ। प्रहरीले एक जना नाबालिगसहित दुई जनालाई पक्राउ गरेको छ।
प्रहरीले सोही ठाउँका १९ वर्षीय सुशान्त चौधरी र १५ वर्षीय बालकलाई पक्राउ गरेको छ। सुशान्त चौधरीले गोली चलाएका थिए।
इलाका प्रहरी कार्यालयका प्रमुख प्रहरी नायब उपरीक्षक कुमार मैनालीका अनुसार पक्राउ परेका उनीहरू सबै साथीहरू भएको र खेल्दै गर्दा गोली पड्किएको बताइएको छ ।
यस बारे प्रहरीले घटना सम्बन्धमा थप अनुसन्धान गरिरहेको जनाएको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
