Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौँ । स्थानीय चुनाव नजिकिएसँगै माओवादी शीर्ष नेताहरुले काठमाडौँ छोडेका छन् । स्थानीय निर्वाचनमा आफ्नो पक्षमा पार्न माओवादी नेताहरु गाउँ–गाउँ छिरेका हुन् ।
माओवादीले स्थानीय तहको आवश्यकतालाई हेरेर एक स्थानीय तहमा एक केन्द्रीय सदस्य खटाए सँगै नेकपा माओवादी केन्द्रका प्रवक्ता कृष्णबहादुर महराले पनि स्थानीय तहको चुनाव प्रचार–प्रसार गर्नका लागि भन्दै काठमाडौँ छोडेका छन् । गत मंगलबार काठमाडौँ छोडेका महरा वैशाख ३० गतेको स्थानीय चुनावमा रोल्पा नगरपालिकामा भोट हालेर मात्रै काठमाडौँ फर्किने जनाइएको छ ।
प्रवक्ता महरा केहीदिन दाङका स्थानीय तहमा हुने चुनावी सभामा सहभागी हुने भएका छन् । प्रचार प्रसारण विभाग सचिव गोविन्द आचार्यका अनुसार प्रवक्ता महरा दाङका घोराही, तुलसीपुर उपमहानगरपालिका, लमही नगरपालिकासहित सात गाउँपालिकाका चुनावी सभामा सहभागी हुने, विशेषगरी दाङको निर्वाचन क्षेत्र २ मा खटिने र रोल्पामा माओवादीले एकल रुपमा प्रतिस्पर्धा गरेकाले निर्वाचन माहोल बनाउन महराले चुनावी सभालाई पनि सम्बोधन गर्ने भएका छन् ।
यस्तै दाङको चुनावी माहोल बनाउन महरासहित काँग्रेस केन्द्रीय सदस्य दीपक गिरीले संयूक्त पत्रकार सम्मेलन गरेका छन् । गठबन्धनमा सहभागी उम्मेदवारलाई भोट हाल्न महरा र गिरीले अपिल गरेका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
