May 03 2025 | २०८२, वैशाख २० गते
May 03 2025 | २०८२, वैशाख २० गते
काठमाडाैँ । हङकङ सरकारले ९ दिन पूर्ण लकडाउन लगाउने तयारी गरेको छ। साउथ चाइना मर्निङ पोस्टका अनुसार मार्चमध्यपछि कोरोना परीक्षणको क्रममा हङकङमा लकडाउनको तयारी गरिएको हो। सरकारको योजनाअनुसार मानिसहरुले तीनपटक कोरोना परीक्षण गराउनुपर्ने हुन्छ।
यसअघि १५ देखि २१ दिनमा कोरोना परीक्षण सकाउने तयारी गरिएको भए पनि अहिले यो समय ९ दिनमा झारिएको छ। त्यसैले उक्त ९ दिनको अवधिमा हङकङमा लकडाउन हुनेछ।
अत्यावश्यक सेवाको क्षेत्रमा काम गर्ने मानिसहरुलाई लकडाउनमा छूट दिइनेछ। स्रोतले दिएको जानकारीअनुसार लकडाउनको क्रममा मानिसहरुलाई खाना खरिदका लागि पनि छूट दिने विषयमा छलफल भइरहेको छ।
विशेषज्ञहरुले हङकङमा कोरोना संक्रमण अहिलेकै गतिमा बढे संक्रमितको संख्या १० लाख नाघ्न सक्ने चेतावनी दिएका छन्। अहिलेसम्म १ लाख ९० हजार संक्रमित फेला परिसकेका छन्। यसमध्ये अधिकांश संक्रमित पाँचौँ लहरमा थपिएका छन्।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
