Jun 09 2026 | २०८३, जेठ २६ गते
Jun 09 2026 | २०८३, जेठ २६ गते
काठमाडौं । केन विलियमसनले टी-२० अन्तर्राष्ट्रिय क्रिकेटबाट सन्यासको घोषणा गरेका छन् । २०२६ को विश्वकप हुनुभन्दा चार महिना अगाडि गरिएको उनको निर्णयले न्युजिल्याण्ड क्रिकेटलाई झट्का दिएको छ ।
३५ वर्षीय विलियमसनले आफ्नो ९३ टी-२० अन्तर्राष्ट्रिय खेलमा असाधारण रूपमा राम्रो प्रदर्शन गरेका छन् । उनी न्यूजील्याण्डका दोस्रो सर्वाधिक रन बनाउने खेलाडी हुन् । उनले ३३ को औसतमा २,५७५ रन बनाएका छन्, जसमा १८ अर्धशतक र ९५ रनको उत्कृष्ट स्कोर समावेश छ ।
विलियमसनले भने, “म लामो समयदेखि यस ढाँचाको हिस्सा हुँ र यससँग सम्बन्धित हरेक सम्झना र अनुभव मेरो लागि धेरै विशेष छ। अब मलाई लाग्छ कि यो समय म र टोली दुवैको लागि सही छ । यसले टोलीलाई आगामी शृङ्खला र उनीहरूको अर्को ठूलो लक्ष्य, टी-२० विश्वकपको लागि स्पष्टता दिनेछ ।”
उनले थपे, “हामीसँग हाल धेरै प्रतिभाशाली टी-२० टोली छ । आगामी वर्षहरू यी खेलाडीहरूका लागि थप क्रिकेट खेल्न र विश्वकपको तयारी गर्न महत्त्वपूर्ण हुनेछन् । मिच (मिशेल सान्टनर) एक उत्कृष्ट कप्तान हुन् र उनले यो टोलीलाई उत्कृष्ट रूपमा व्यवस्थापन गरेका छन् । अब ब्ल्याक क्याप्सलाई अगाडि बढाउने उनको समय हो। म सधैं टाढाबाट उनलाई समर्थन गर्नेछु ।”
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
