बुटवल, साउन १४ । त्रिभुवन विश्व विद्यालयले प्रविणता प्रमाणपत्र तह हटाउने निर्णयको विरोधमा रहेका तीन ठूला विद्यार्थी संगठन बाहेक विद्यार्थी संगठनले आज बुटवल बहुमुखी क्याम्पसमा कोणसभाको आयोजना गरेका छन् ।
सो सभा कि्रयाशील नेपाल क्रान्तिकारी विद्यार्थी संघ र अखिल छैठौँले क्याम्पसमा कोणसभाको आयोजना गरेको हो । कार्यक्रममा बोल्दै नेपाल क्रान्तिकारी विद्यार्थी संघका रामचन्द्र श्रेष्ठले त्रिभुवन विश्वविद्यालयले गरिव जनताको छोराछोरीको भविष्यमाथि खेलवाड गर्दै साम्राज्यबादी शक्तिको दवावमा प्रमाणतह हटाउने निणर्य गरेको आरोप लगाउनुभयो । उहाँले तीन ठूला दलले प्रविणता प्रमाणतह हटाउने निर्णयमा सहमति गरेर बेइमानी गरेको बताउनुभयो ।
अखिल छैठौका रुपन्देही अध्यक्ष देवेन्द्र कुवरले प्रमाणतह हटाउने निर्णयमा सहमति जनाएर तीन ठूला विद्यार्थी संगठनले शैक्षिक आन्दोलनलाई नै धोका दिएको टिप्पणी गर्नुभयो । केन्द्रिय कार्यक्रम अनुसार भोली पर्चा पम्पेलट वितरण गरिने विद्यार्थी सगठनले जनाएका छन । अनेरास्ववियू अनेरास्ववियू क्रान्तिकारी र नेविसंघले प्रविणताप्रमाण तह हटाउने निर्णयमा सहमति जनाएपछि साना ११ विद्यार्थी संगठन आन्दोलनमा उत्रिएका हुन् ।

Twitter
Facebook
Myspace
Digg
Del.icio.us
StumbleUpon
Yahoo
Googlize this









