Share this
Twitter
Facebook
Myspace
Digg
Del.icio.us
StumbleUpon
Yahoo
Googlize this
सजना तिल्मिसिना/रामु खनाल, ललितपुर । लाखौं विद्यार्थी आफु उत्तिर्ण भएपछि कहाँ पढ्ने भनेर सोच पनि बनाउँदै छन् । सोही अनुसार विभिन्न निजी उच्च माध्यामिक विद्यालयले विद्यार्थीलाई आकर्षित गर्ने विज्ञापन गरिरहेका छन् । उत्तिर्ण भएर बसेका विद्यार्थीलाई कहाँ पढ्ने भन्ने चिन्ताले सताउँदै गर्दा यसरी निकालिएको विज्ञापनले झन् अन्यौलता थपेको छ ।
विद्यार्थी आकर्षित गर्न विद्यालयले रेडियो टेलिभिजन र पम्पलेटमार्फत प्रचारप्रसार तीब्र बनाएको छ । विज्ञापनमा देखाईने ठूलो खेल मैदान सफा चमेनागृह पौडी पोखरी र ख्यातिप्राप्त शिक्षकहरुको नाम उल्लेखगरि विद्यार्थी तान्ने दौडधुप र प्रचारबाजीमा व्यस्त छन् विद्यालयहरु । दर्जनौं विद्यालयहरु प्रतिस्पर्धात्मक तवरले बढेको यथार्थ एकातिर छ भने अर्कातिर कति क्याम्पसमा विज्ञापनमा देखाईएको सुविधाहरु नरहेको अवस्था छ । जुन कुरा विगतका घटनाहरुले पनि देखाएका छन् । यस्तो विज्ञापनले एकातिर विद्यार्थीलाई अन्यौल उत्पन्न गराउँछ भने अर्कातिर विज्ञापनमा भएका कुराका बारेमा अनुगमन भएको पाईदैन । जसका कारण विद्यार्थीहरु रनभुल्लमा परिरहेको परिस्थिति छ ।
यस्तो प्रकारको होडबाजीलाई कम गर्न सम्बन्धित निकायले समयमै ध्यान पुर् याएर अनुगमन गरिनु अत्यन्त आवश्यक रहेको छ । अन्यौलमा अभिभावक र विद्यार्थी प्रवेशिका परिक्षाको नतिजापछि दश जोड दुईका अधिकाशं विद्यालयले आफुलाई नै उत्कृष्ट विद्यालयको स्वा-दावासहित भर्ना अभियान सचालन गरिरहेका छन् । जसमा आकर्षक भवन शान्त एवंम रमणीय वातावरण उत्कृष्ट नतिजा अतिरित्त कि्रयाकलाप उच्च व्यक्तित्वहरुको संलग्नलगायत विभिन्न कुराको आकर्षक विज्ञापनबाट अभिभावक र विद्यार्थीलाई आफुतर्फ आकर्षित गर्न प्रयास गरिरहेका छन् । अन्त अभिभावक तथा विद्यार्थीहरु माझ कुन विद्यालय छनौट गर्न भन्ने ठूलो अन्यौल श्रृजना भएको हो । विद्यालयहरुले प्रतिस्पर्धाको नाममा अस्वच्छ विज्ञापन नगर्ने र सम्बन्धित निकायले विद्यालयहरुको निश्चित मापदण्ड तोकी स्तर निर्धारणको व्यवस्था गर्न जरुरी छ ।
