समावेशी खबर र आवाजको संवाहक|Thursday, January 19, 2017

एथ्लेटिको बिल्बाओसँग बार्सिलोनाको हार,मेस्सीले जोगाउन सकेनन् 

एजेन्सी । बार्सिलोना स्पेनिस कोपा डेल रे फुटबल अन्तर्गत बिहीबार राति भएको अन्तिम १६ को पहिलो लेगमा पराजित भएको छ ।messi

बार्सिलोना ९ खेलाडीमा सीमित भएको एथ्लेटिको बिल्बाओसँग २–१ ले पराजित भएको हो ।

पछिल्लो चार वर्षमा बार्सिलोनामाथि पहिलो जित दर्ता गर्ने क्रममा एथ्लेटिकोको बिल्बाओका लागि आरिट्ज आडुरिज र इनाकी विलियम्सले गोल गरे ।

२५ औं मिनेटमा आडुरिज र २८ औं मिनेटमा विलियम्सले गोल गरेपछि पहिलो हाफमा घरेलु टोली एथ्लेटिको बिल्बाओले २–० को अग्रता लियो ।

५२ औं मिनेटमा बार्सिलोनाका लागि लियोनल मेस्सीले एक गोल फर्काए । ७४ औं मिनेटमा राउल गार्सिया तथा ८० औं मिनेटमा आन्द्रे टुरास्पे दोहोरो पहेँलो कार्ड खाँदै मैदानबाट बाहिरिएपछि एथ्लेटिको बिल्बाओ ९ खेलाडीमा सीमित भयो ।

बार्सिलोनाले यसको फाइदा लिन सकेन । लुइस स्वारेज र नेइमारले पनि यो खेलमा गोल गर्न सकेनन् ।

Loading...

तपाईंको प्रतिकृया जनाउनुहोस्

अन्य समाचारहरु