निक्की कार्कीद्धारा आरोपित सुशीलले पाए यस्तो सजाय…

loading...

काठमाडौँ, असोज ९ । यूवा कलाकार निक्की कार्कीलाई यौन उत्पीडनको प्रयास गर्ने सुशील नेपाललाई संस्थाले साधारण सदस्यबाट निष्काशित गरेको छ । गत सेप्टेम्बर २३ तारिखमा अमेरिकाको नर्थ क्यारोलिनामा बसेको नेप्लिज एसोसिएसन अफ साउथ इस्ट अमेरिका (नासा )को चौथो विशेष आकस्मिक बैठकले उक्त निर्णय गरेको हो ।उक्त बैठकमा नव निर्वाचित कार्यकारी उपाध्यक्ष सुशील नेपाल स्वयम् उपस्थित भएका थिए । उनलाई संस्थाको विधान अनुसार साधारण सदस्य समेत नरहने गरि निष्काशन गरेको छ । उनलाई नेप्लिज एसोसिएसन अफ साउथ इस्ट अमेरिका (नासा )को विधानको धारा ५, परिच्छेद १ को उपधारा १ अनुसार कारबाई गर्दै निस्काशित गरेको हो ।

विधानको साथै संस्था को छविलाई उच्छृंखल गतिबाट अहितकर बनाएकोले सेप्टेम्बर २३ तारिख शनिबार कै दिन देखि लागु हुने गरि निस्काशन गरेको निर्णय गरेको कुरा नेप्लिज एसोसिएसन अफ साउथ इस्ट अमेरिका (नासा )का अध्यक्ष माधव ढकाल तथा महासचिव कृष्ण श्रेष्ठद्वारा जारी छापा विज्ञप्तिमा उक्त कुरा उल्लेख गरिएको छ ।

नेपालले २० वर्षिय युवा कलाकार निक्की कार्कीलाई गत सेप्टेम्बर १ देखि ३ सम्म नर्थ क्यारोलिनाको सार्लोट शहरमा आयोजित नासा-अन्माको संयुक्त सम्मेलनको अन्तिम दिनको सांगीतिक कार्यक्रममा सहभागी हुन आएकी युवा गायिका निक्की कार्की माथि यौन दुर्व्यहार गरेका थिए ।

पिडित कार्कीले संस्थागत कारवाही ढिलो भएकोले उनले आफुमा परेको पिडा सामाजिक संजाल फेसबुक मार्फत प्रत्यक्ष प्रसारणमा आफुले भोगेका कुराहरु र सुशील नेपालले भनेका कुराहरु आफ्ना दर्शक ,शुभचिन्तक तथा विश्व भर छरिएर रहेका नेपाली समुदायलाई सम्बोधन गरेकी थिइन् ।

आरोपी र पीडक सुशील नेपाल २०१५ -२०१७ का कार्यकारी समितिका सदस्य तथा २०१७ -२०१९ का कार्यकारी उपाध्यक्ष समेत रहेका थिए ।

तपाईंको प्रतिकृया
Loading...